Visualizacións de páxina totais

xoves, 16 de novembro de 2023

Nacemento de Roma

 


Con algunhas eivas no xeito de contar a historia, pero pode valer para poñer sen son e ir contando o que se ve.



luns, 27 de marzo de 2023

luns, 23 de xaneiro de 2023

Odisea 2023

 


O alumnado de Latín e Grego invadirá esta semana a  biblioteca do centro na procura do camiño correcto para chegar a bo porto! O concurso Odisea escudriñará as augas no mundo clásico e os Ulises e Penélopes tratarán de atinar co seu sentido na diana das respostas correctas! Sorte!







Poema Odiseico

Desde o teu instituto, desde a túa casa, ven, ti que amas o legado clásico, aquí

ao concurso Odisea, que un bo ramallete de cuestións hai

de mitoloxía, de literatura, de historia, e os computadores botan fume

xa nas aulas de informática;

soa fresca a auga a través das preguntas

e os dedos teclean xa as respostas,

e unha profunda investigación dará lugar

a palabras clave;

deuses ríos, ninfas dos estanques, fontes, acueductos, 

océanos de profundas correntes, gotas de sabedoría…

Ven, estudante, esteas onde esteas, 

ti que navegas a través da rede

pescarás éxitos nas augas, 

á vez axitadas e tranquilas,

doces e saladas,

de Grecia e Roma. 

                                                              

                                                                        Decadracma de plata de Aretusa,

                                                                                                                                    acuñado en Siracusa, Sicilia  (405-400 a. C.)